As Letras espallan a figura de Delgado Gurriarán pola comarca de Ferrolterra

A comarca indaga na figura do poeta Florencio Delgado Gurriarán con múltiples actos neste Día das Letras Galegas. En Ferrol, Concello e Xunta Veciñal de Doniños organizan, no local desta entidade, unha xincana literaria (11.00 horas), a representación de A máquina do tempo, de Teatro Ghazafelhos (13.00), música do Real Coro Toxos e Froles (17.15), lectura da semblanza do autor homenaxeado (17.35 e 18.45) e actuación da rondalla de mulleres de Santa Uxía de Mandiá (17.50) e do grupo Molime (19.00).

Narón fai varias propostas, todas de balde, na praza da Lectura e nas Vivendas da Mariña. Silvia Penide mestura contos e canción, en Diferentes diferenzas (12.00 horas), e Xarope Tulú ofrece teatro interactivo, Rilla, Rilla (12.45). Ás 16.00 chegará o obradoiro das Efémeras (de pintura sobre papel reciclado); ás 17.00, música e contacontos con Jara Ortiz e Lúa triangular; ás 17.45, narración oral e música de Aldaolado en A ovella Engracia; e ás 18.45, concerto de As Efémeras.

Na biblioteca Xosemaría Pérez Parallé, de Fene, haberá unha sesión de contacontos, Florencio Delgado Gurriarán. De Valdeorras a México, co grupo Polo correo do vento (día 19, 18.00 horas). A Asociación de Veciños de Limodre promove unha charla de Henrique Sanfiz, Cuba e Limodre: de Juan Varela a Sindo Seixido (día 20, 19.00 horas, na cantina da escola); e unha ruta teatralizada por Caamouco e Limodre (día 22, inscrición no 616 740 205). As Pontes programa na Casa Dopeso o espectáculo Vendimiando Versos (día 18, 20.00 horas), Elba e Marcos e os xoguetes encantados, da compañía Duende Sico (día 19, 18.00) e a obra Cartoons de Excéntricas, de Teatro do Adro (día 20, 18.00). En Pontedeume, este martes entrégase o premio do concurso de contos (12.30 horas, consistorio local) e actúa o grupo folclórico Orballo (13.00, praza Real).

O cantautor de Couzadoiro Diego de Braelle presenta o seu primeiro disco, Ortegal, hoxe (19.30 horas, Teatro de Beneficencia), en Ortigueira, con entrada de balde. En Cariño, Trémola Teatro interpretará a obra Florencio Delgado Gurriarán esta tarde (18.00 horas, auditorio municipal), con acceso gratuíto. Esta mesma compañía porá en escena Que animaliño é?, para os máis pequenos, os alumnos do Punto de Atención Infantil.

Nesta Día das Letras Galegas, en Cabanas proxéctase a curtametraxe A rosa incandescente, «unha peza audiovisual que presenta a unha Rosalía de Castro próxima e directa», interpretada pola actriz chantadina Alba López. Será ás 18.00 horas, no salón de plenos da casa do Concello. En Valdoviño, o público poderá gozar coa actuación ao aire libre da compañía Nova Galega de Danza, que levará o seu espectáculo Credo hoxe, ás 20.30 horas, á praia de Pantín. Trátase dunha proposta cultural incluída no programa Xacobeo 2021-22. Se chove, o Concello informará a través das redes sociais do novo emprazamento.

Neda agarda ao día 22 para desenrolar un obradoiro de caricaturas sobre Florencio Delgado Gurriarán (12.00 horas, na Casa da Cultura). É de balde e hai que apuntarse no 981 390 233 ou no propio centro. O alumnado de Primaria do CEIP A Barqueira, de Cerdido, asistirá o mércores a unha escenificación do grupo Laguagua. Para Infantil haberá un taller de xogos, e entregaranse os premios do concurso de contos.

En Ares, o Concello e o CPI As Mirandas convocaron o segundo concurso de microrrelatos escolares. A entrega de premios será o día 23, na Alianza Aresana. San Sadurniño, Moeche e Mañón xa adiantaron as celebracións á fin de semana e ao luns.

---

---

---