¿Ainda somos poucos?


No asunto do número ideal de habitantes temos días. Somos, mal contados, 7.000 millóns de habitantes nunha terra limitada. Quero dicir que non é infinita. Se fose infinita e eterna podiamos coller os habitantes que queiramos, contando segundas residencias e un automóbil por habitante... Pero soñamos con ser menos.

Que unha comarca de China baixe en nacementos e suba en defuntos, fainos respirar. Como que nos dá acougo. Que en Ferrolterra morran o dobre dos que nacen, danos depresión... En que quedamos, logo? É bo seguir medrando a poboación ou sería mellor baixala? Temos días. Mesmo temos horas do día.

Se vas a certas praias non cabes. O pan non chega para todos. As Forcadas ten auga para... Onte soñei que as Forcadas tiñan auga para 2 millóns de habitantes. Soamente nos recheos da ría collían 300.000 habitantes e o Racing, en correspondencia, era equipo de primeira. Franco era un nacionalista español. Pensaba que máis habitantes daban máis poder político. Máis soldados, máis poder militar. Os nacionalistas sempre pensan no máis grande. O tamaño, desculpando a súa cara, si é importante.

Ás veces dan un premio de cidade feliz, ou cidade curriña, ou cidade ecolóxica (daquela maneira) a Pontevedra ou a Molinaseca no Bierzo. Aínda estou por ver que lle dean un premio de «habitabilidade» ao Cairo, a Estambul ou a Madrid.

Vanme fondear no medio da ría se digo que mellor sermos menos (incluído Ferrol.) As mulleres son as que paren. Penso que elas si me comprenden.

Conoce nuestra newsletter con toda la actualidad de Ferrol

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
1 votos
Comentarios

¿Ainda somos poucos?