A aleiro rompeu o dedo dunha man, e eleva a dificultade da visita desta mañá á cancha do Baxi Ferrol
23 feb 2020 . Actualizado a las 05:00 h.Moitos dirán que a desta mañá (Pavillón da Malata, 12 horas) resulta unha misión imposible para a Agrupación Deportiva Cortegada. O antepenúltimo clasificado visita a cancha do terceiro mellor equipo do Grupo A da Liga Feminina 2. Un Baxi Ferrol co que mantén una perfecta simetría. Non en van, ademais da coincidencia inversa das súas situacións na táboa clasificatoria, os dous rivais comparten o seis como número definitorio do seu actual estado. Media ducia de vitorias consecutivas que leva o cadro departamental baixo a dirección de Lino López, e outras tantas derrotas que encadea o conxunto de Rubén Domínguez, obrigado a non despistarse co ADBA a tiro de dúas vitorias na penúltima praza, que condena ao descenso.
Por se non fora pouco ter que medirse a un rival construído co obxectivo do regreso á Liga Feminina, o Cortegada deberá facelo sen o concurso da súa xogadora máis regular. María Centeno perderáse este e os seguintes catro partidos de Liga, tras partir un óso da palma da súa man dereita durante o adestramento do luns.
«Esto -as lesións- es una parte del deporte», comentaba onte o adestrador do Cortegada. Un Rubén Domínguez que se consolaba sinalando que «dentro de lo malo, María podrá jugar los tres últimos partidos de Liga, no se perderá el resto de la temporada como nos temíamos al principio».
Sobre o encontro, o técnico arousán subliña a necesidade de «generar muchas dudas en el juego del Ferrol, y gestionar nuestra energía bien».