Viaxe ao pasado


No verán, aínda utilizo máis esta autovía A-6 que o goberno central tivo a ben agasallarnos aos lucenses por quedarmos no camiño á Coruña e a Ferrol, cidades coas que non podían quedar mal, e de paso quedaban moi ben connosco. E o día quince deste mes puiden comprobar a súa necesidade ao ver a extraordinaria circulacion de vehículos en ámbolos dous sentidos polas especiais circunstancias que concorriron en dia tan sinalado.

Cando saio á antiga estrada case paralela, con escasa utilización e nulo mantemento, é posible experimentar unha inmersión no pasado, como mínimo un cambio de século, onde a lentitude imposta polos sinais vese compensada pola tranquilidade viaxeira, cando a urxencia o permite.

Vendéronsenos as autovíascomo o froito dunha etapa de bonanza económica que permitía progresar en seguridade e velocidade na mesma medida que melloraban os automóbiles e as nosas posibilidades de adquirilos. E agora, cando os nosos gobernantes nos teñen destruído case todos os soños do futuro e de presente, deixan caer de novo a idea dun imposto sobre as autovías para ver como respondemos os aborregados súbditos á insultante suxerencia dunha inane gobernanza froito dunha insolvencia total.

Cobrar polas autovías é forzarnos a unha permanente viaxe ao pasado, renunciando a un novo dereito adquirido moral e materialmente. Pero tamén é provocar inseguridade en vías lentas e mal conservadas, e pretender cobrarnos de novo por algo xa pagado, desafiuzánonos dunha propiedade colectiva que tanto nos costou conseguir.

Conoce nuestra newsletter con toda la actualidad de Ferrol

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Viaxe ao pasado