Burla


As redes sociais convertéronse nunha poderosa ferramenta de difusión masiva en tempo real de mensaxes de todo tipo. Por tanto, as meteduras de pata tamén se reciben de forma masiva e ipso facto. Isto é o que ocorreu o outro día cun tuit do conselleiro de Cultura e Turismo, Román Rodríguez, que subía ás redes (el ou quen lle leve os seus perfís) a súa reunión co delegado do Goberno ante a Unesco, Andrés Perelló, para abordar a situación das «dúas candidaturas» a Patrimonio Mundial nas que «traballa Galicia»: Illas Atlánticas e Ribeira Sacra. Dúas candidaturas? E Ferrol? Así nos manifestamos algunhas persoas, indignadas, ante o que consideramos unha forma bastante evidente de ignorar, por enésima vez, á nosa cidade ilustrada, na lista indicativa da Unesco desde 2006. Pero, claro, igual que Twitter non o permite, Facebook si dá a opción de editar (ou sexa, modificar) os textos, polo que pouco despois á mesma publicación de Rodríguez nesta rede social engadíaselle que ás dúas candidaturas «sumábase» a de Ferrol da Ilustración. Súmase? Despois de 18 anos traballando nun expediente, súmase a que? Non será ao revés, señor conselleiro? E, de ser certo, que lle trasladou a Perelló e que acordos tomaron? Por desgraza, creo que non hai resposta porque non se abordou.

Pero o peor é que detrás desta desfeita hai unha nova burla a Ferrol. Unha burla dun goberno local que non avanza -desde logo, non nos prazos comprometidos publicamente- e dunha Xunta de Galicia que ningunea e esquece a candidatura ferrolá e que si bota o resto coas outras dúas. Mentres, seguimos escoitando promesas…

Conoce nuestra newsletter con toda la actualidad de Ferrol

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
2 votos
Comentarios

Burla