Todo pola música


Visitei varias veces a don Amable, párroco de San Julián ou San Xiao, para que autorizara concertos de música clásica na concatedral. Xa comentei que o prezo do Teatro Jofre era prohibitivo (200.000 pesetas por día). Don Amable tiña un carácter que respondía ao seu nome. Fumaba moito e presumía de ser un bo pescador de río. Aguanteille algunhas leccións de tipos de cebo e anzois. En fin, todo pola música. Con moitos anos nas trincheiras do sacerdocio a súa teoloxía humanizárase. Para él a fe era un don e un misterio, «¿qué quieres que te diga?» Eu o que quería era falar da intendencia do concerto: orquestra e coro, alemáns, con obras de Bach e o réquiem de Mozart. A instalación eléctrica da concatedral era das de cordón vello e machete. Nada de cadro eléctrico e limitadores. Fixéronnos un presuposto de instalación como Deus manda. Máis ou menos no prezo do aluguer do Jofre. Era o que se podía pagar. «Divina» díxome exultante don Amable.

Pactamos silencio. O gasto pedía discreción pero o domingo na misa non se puido conter e predicou aos fieis que miraban coa boca aberta a iluminación. Podía ter falado da Luz de Deus, pero dixo: «Esta iluminación se debe al Ayuntamiento socialista que en muchas cosas os da ejemplo a los cristianos...» Afeoulles que fosen tan roñosos coas necesidades da Igrexa. Contoumo un amigo que asistiu a aquela misa. Aquel gasto foi como a man de Deus de Maradona. A factura dicía «gastos de infraestructura de montaxe para concertos na concatedral».

Conoce nuestra newsletter con toda la actualidad de Ferrol

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Todo pola música