Xunto a Touriñán, hoxe vista Cedeira para ofrecer unha triple función do seu espectáculo cómico «Curtis & Teixeiro»
30 ene 2016 . Actualizado a las 11:04 h.Hoxe / Auditorio de Cedeira / 18.00, 20.00 e 22.00 horas / entradas en www.aine-gal, Regalos Rosa y Librería La Paz (10 euros anticipada e 12 en taquilla).
O actor Federico Pérez ven arrasado no audiovisual galego da man de series como «Padre Casares» e programas como «Era visto» ou «Air Galicia», pero, agora, a súa vis cómica está cosechando aplausos tamén nos escenarios de toda Galicia. Xunto a Xosé Touriñán, protagoniza «Curtis & Teixeiro», unha obra só para adultos que está a colgar o cartel de «Non hai entradas» en tódolos teatros que visita. En Cedeira, de feito, só tiñan programada unha función para hoxe, pero, ante a demanda dos seus fans, ao final ofrecerán tres pases.
-Na obra dan vida a unha parella moi peculiar de investigadores. Que teñen de especial?
-Digamos que teñen unhas prácticas que se saen do común. O mesmo investigan temas escuros relacionados co terrorismo islamista ou o tráfico de drogas que asuntos máis domésticos.
-Por exemplo?
-Pois, por exemplo, cousas como se queres saber se a túa parella chen pon os cornos. Se tes esa sospeita, nós xa te dicimos que si. Que si que chos pon. Porque cando hai sospeita sempre hai cornos.
-E os políticos tampouco se libran da súa lupa, non si?
-Non, claro que non. Os dous protagonistas tamén investigan as páxinas sexuais dos partidos políticos e mesmo algúns asuntos turbios da Igrexa.
-Como calificaría o humor de «Curtis&Teixeiro»?
-Nesta obra facemos un humor sarcástico, irónico e algo máis bestia do habitual en nós. Non é o tipo de humor branco que facemos na tele.
-Como xurdiu a idea de facer a montaxe?
-A idea xurdiu a raíz dos atentados de Charlie Hebdo. Nese momento estábase a falar moito sobre os límites do humor e sobre ata que punto se poden facer chistes de temas delicados. E falando co director naronés José Luis Prieto deste tema, tivemos a idea de facer unha obra cun humor más bestia, na que se falase de cousas que todos pensamos pero que non nos atrevemos a dicir en voz alta.
-Por certo que con Prieto tamén está a percorrer Galicia coa obra «Presidente». Como lles vai?
-Estou encantado, porque Prieto é todo un talento, un tipo fantástico co que resulta moi doado traballar. Estreamos o pasado mes de setembro e no mes de abril estaremos en Ferrol.