Unha vintena de profesionais sumáronse á xornada de formación en campo na granxa

O colectivo Xestión Agrogandeira e Natureza organizou o primeiro Día da Herba

.

AS PONTES / LA VOZ

O primeiro Día Herba organizado polo colectivo Xestión Agrogandeira e Natureza na granxa pontesa deixou un moi bo sabor de boca. Máis de 20 profesionais acudiron á chamada do colectivo. «Estamos moi satisfeitos coa resposta, non podíamos abarcar moito máis», sinalaba nos minutos previos ao inicio Xan Pouliquen. O obxectivo, indicou, era o de «ver as cousas do pastoreo na práctica». E para iso, a gandería pontesa era idónea porque, apuntou, «ten pastos en diferentes condicións e iso vainos permitir amosar o que se debe facer é o que non. Imos trasladar aos participantes o que están a facer ben e o que non». A convocatoria, aberta aos gandeiros en xeral, foi secundada de forma especial polos profesionais que de cotío traballan co grupo. Durante toda a xornada, representantes da zona de Santiago e dos municipios de Chantada ou Irixoa, entre outros, reflexionaron sobre as prácticas habituais que aplican no seu día a día. «O que buscamos é reflexionar sobre o que se fai. E a partir de aí, ofrecemos alternativas, abordamos como se pode cambiar», explicou Pouliquen. O xerme do primeiro evento deste tipo que se celebrou en As Pontes foi recollido polos gandeiros asistentes. «Despois cada un levará á casa as ideas» co obxectivo de «lograr pastor mellores e máis rendibles», resumiu.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Unha vintena de profesionais sumáronse á xornada de formación en campo na granxa