Manuel Cráneo e Xavier Alcalá presentan a novela gráfica «Cinza» na Casa da Cultura de Pontedeume

O debuxante Manuel Cráneo e o escritor Xavier Alcalá presentan a novela gráfica «Cinza», baseada no romance «A nosa cinza», publicada en 1980 e da que se venderon 80.000 exemplares, este venres, ás oito da tarde, na Casa da Cultura de Pontedeume.

Como explican desde o Ateneo Fernán Martís, que organiza este acto, Cráneo volve contar a infancia e adolescencia no Ferrol da posguerra e no areal de Cabanas «que xa narrara o escritor».

«É unha experiencia única na Galiza, que o debuxante e editor de banda deseñada resolve con invención, con rigor e fantasía», subliñan desde a entidade cultural.

---

---

---