José Manuel Lage Tuñas, galego que seguiu a parte final da campaña con Susana Díaz

«Como tódolos bos equipos, imaxino que se o PSOE ten a Messi non o vai a deixar no banquillo»

Susana Díaz

A Coruña

«A marca era Susana». Houbo dúas persoas alleas ao PSOE andaluz invitadas para acompañar a Susana Díaz na noite electoral. O vasco Ernesto Gasco, candidato socialista á alcaldía de San Sebastián, e o galego José Manuel Lage Tuñas (Noia, 1977). Este último viviu a campaña de Díaz desde dentro e desde diferentes prismas. Como investigador social da Universidade de Santiago de Compostela, como consultor institucional no sector privado e tamén como político socialista, xa que é membro do Comité Nacional do PSdeG, e foi deputado parlamento galego e membro do Comité Federal do PSOE. Na súa etapa como secretario xeral das Xuventudes Socialistas coñeceu a Díaz hai 18 anos, cando era a súa homóloga en Andalucía, e é amigo persoal dela.

-¿Por qué escoulleu a campaña andaluza?

-Ao sistema estánselle abrindo as costuras. Non sabemos cal é a estación Termini. Para min era interesante presenciar a primeira das catro citas electorais que se celebrarán este ano en España cos novos partidos. E, ademais, aquí tiven máis fácil facer un seguimento.

-¿Que diferencias viu entre a campaña andaluza e outras que viviu vostede?

-Pois que foi unha campaña con moita menos parafernalia, máis espontánea, menos encorsetada. Cun trato moito máis directo coa rúa, coa xente. A candidata non marchaba correndo dos actos, quedábase igual unos 20 ou 30 minutos a saudar a todos, a facer fotos. E ía cun grupo reducido, sen unha cohorte de aduladores. Foi unha campaña como de outra etapa política, máis directa e primaria. Porque agora normalemente os candidatos o que buscan é non fallar, o empate. Parece que hai medo a que o carácter do candidato saia á luz. Susana fala para que a xente o entenda, rompe o linguaxe administrativo. 

-Foi unha campaña moi personalista.

-Os datos que manexaba o seu equipo indicábanlles que había que potenciar á candidata fronte á marca do partido. Creo que Susana é unha bendición para o partido. Un fenómeno social.

-Precisamente algúns critican o carácter de Díaz, que ten certa fama de implacable cando toma unha decisión.

-É unha persoa de conviccións, froito da súa historia personal. A filla do fontaneiro. A primeira en estudiar nunha universidade da súa familia.

-O de Susana Díaz é innegable, ¿pero ata onde pode chegar? 

-É unha das figuras políticas de maior relevancia en España e no PSOE. Non so como presidenta da Junta de Andalucía. Ten forza e liderazgo. O tempo amosará en que grao e en que papel. Como tódolos bos equipos, imaxino que se o PSOE ten a Messi non o vai a deixar no banquillo, e neste caso creo que é obvio que Susana é unha das persoas claves no presente e no futuro do PSOE.

-Insistou en separarse de José Antonio Griñán e de Manuel Chaves.

-Creo que ela demostra a capacidade de renovarse do PSOE desde dentro e desde o poder.

-Ela tamén puxo unha barreira con Pedro Sánchez e envolveuse na bandeira andaluza.

-Ela quixo facer una campaña en clave andaluza, illándose do ruido da política estatal. Foi unha campaña andaluza 100 % e acertou.

-Foi máis xeneroso Pedro Sánchez con Susana Díaz que ao revés. ¿Como é a relación entre eles?

-Teñen unha relación moi respetuosa e normal. 

-¿Como valora o papel de Pedro Sánchez no PSOE?

-Pedro Sánchez está facendo un gran esforzo por levantar ao PSOE, tarefa nada fácil dado o difícil momento que se está a vivir. É un líder que se está facendo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
26 votos
Comentarios

José Manuel Lage Tuñas, galego que seguiu a parte final da campaña con Susana Díaz