Di que nunca fumou «nin tabaco nin nada, aínda que o BNG pida a legalización da marihuana nesta campaña». Denomínase a ela mesma coma «a orquestra Miranda», pois hoxe fai «25.000 quilómetros percorridos dende a precampaña en abril».
-¿Que coche ten e de que ano?
-Non teño, nin carné. Coñezo tódalas as liñas de autobuses e ferrocarrís da Galiza e incluso os seus horarios.
-¿Cal é o seu móbil?
-Un Motorola Google.
-¿A aplicación á que lle dá un maior uso?
-O Twitter e o Facebook, levo as miñas redes, os demais teñen asistentes até para iso.
-¿Último libro que ten lido?
-Varios, como Repensando a esquerda, de Marta Harnecker, o penúltimo de María Raimóndez, pero sobre todo o de José Bové, Os lobbies en Europa. Xa lle pasarei unha copia.
-¿Última película?
-Unha infantil coa miña filla [10 anos]. Non me lembro do título.
-¿Unha canción?
-I Will Survive, de Gloria Gaynor [risas e máis risas].
-¿Un curruncho de Galicia?
-Bouzas, claro, porque nacín en Cuntis pero son de aquí.
-¿Unha viaxe soñada?
-Percorrer Bolivia, estar alí coas comunidades indíxenas.
-¿Con quen preferiría cear: con George Clooney ou con Xavier Vence?
-Coa miña filla, sinceramente. Non teño tempo, pero postos a escoller, con Xavier e a súa muller, a boa de Alba.
-¿Dúas razóns para votala a vostede e non a outros?
-Son currante e non mangante.
-¿Que é o que máis lle gusta de vostede e o que menos?
-A perseveranza e non ceder nunca. E o que menos, que falo moito.
-¿Colexio da súa filla?
-Un colexio de Vigo.
-¿Público ou privado?
-Non o sei, é o seu pai quen leva os trámites para traela de Bélxica.
-¿Cobran de máis os eurodeputados?
-Si, moito, e así o denunciamos.