Xa vos podedes apuntar para que o redactor Jorge Noya explique aos alumnos comos e fai un xornal
04 feb 2026 . Actualizado a las 05:00 h.Para La Voz de Galicia a Semana da Prensa na Escola é moi especial, porque é o recordatorio de que coñecer e comprender a actualidade debe formar parte da educación dos cidadáns. Este ano coincide do 9 ao 13 de marzo e desde aquí animamos aos profesores a que nese días adquiran xornais de todo tipo e fagan diferentes actividades con eles. Tamén poden consultar xornais dixitais, aínda que nese caso lles pedimos que sexan coidados na elección.
Pola nosa banda, nós dedicaremos á portada do noso suplemento a algún aspecto do xornalismo que sirva para reflexionar en clase sobre el.
Tamén vos ofrecemos a visita dun xornalista para que explique á clase como se fai un xornal. É unha actividade pensada para aulas de 5.º e 6.º de primaria, os pequenos deste Programa Prensa-Escuela, e como serán poucas charlas, terán prioridade os profesores que nunca recibiran a vista do xornalista e os que estean en Prensa Escuela. Se pode pedir desde xa a charla, enviando un correo electrónico á dirección prensa-escuela@lavoz.es co asunto «Visita dun xornalista» e no correo hai que engadir estes datos:
- Nome e apelidos.
- Centro educativo e localidade.
- Teléfono de contacto.
- Dirección de correo electrónico.
- Número aproximado de alumnos.
- Se participa ou non no Programa Prensa-Escuela.
Nuns días porémonos en contato co docente para organizar a visita de Jorge Noya, xornalista da sección de Galicia e responsable do Tik-Tok de Prensa-Escuela (@lavozexplica).
Mellores murais
Tamén organizamos un ano máis un concurso dos murais de recortes de prensa. Teñen que estar feitos con pezas de La Voz de Galicia do 9 ao 13 de marzo (pode haber algunha doutra data) e o que necesitamos é que lle fagades unha boa foto e a enviedes cun pequeno texto explicando que buscábades coa actividade ao correo prensa-escuela@lavoz.es co asunto Concurso de murais e os vosos datos. Hai catro categorías: especial, primaria (5.º e 6.º), ESO e bacharelato-FP.