Pontón denuncia o «escrache» do goberno de Feijoo á lingua galega

 Reclama que se derrogue o «decreto da vergoña» que prohibe o ensino en galego de Matemáticas e Ciencias


Santiago / La Voz

Na mobilización en defensa do idioma galega convocada por Queremos Galego, a portavoz nacional do BNG, Ana Pontón denunciou o «escrache» de Feixóo e do Partido Popular á lingua galega. A líder do BNG considerou de «sentido común» que os galego falantes desenvolvan a súa vida na lingua propia de Galiza «sen ningún tipo de discriminación» e denunciou  «o escrache do Partido Popular de Feixóo» dos últimos anos á lingua galega para conculcar, dixo, un dereito fundamental para poder usar a nosa lingua e normalizala como recolle o propio Estatuto de Autonomía. 

Pontón afirmou que a primeira  consecuencia do «escrache do Partido Popular» provoca que a lingua galega sexa a única lingua do Estado español que perde falantes. «É a única lingua que non podemos ler nos xornais e que está  prohibida no ensino de Matemáticas», engadiu  a líder do BNG  que, a maiores, apuntou a «importante diminución do idioma galego no sector da edición».

 Para a portavoz nacionalista, a política de acoso do PP conduce á exclusión do galego no 90% das escolas de infantil das cidades, unha clara evidencia de como «o idioma retrocede».

Visita al festival Compostela Literaria

A voceira nacional do BNG, Ana Pontón, salientou o compromiso do Bloque co impulso da cultura galega dende os concellos e reivindicou o galego como «sinal de identidade dos gobernos do BNG». Fíxoo nunha visita ao festival Compostela Literaria da líder nacionalista na compaña da candidata do Bloque á alcaldía de Santiago, Goretti Sanmartín. Nesa cita Pontón aproveitou para «poñer en valor a creatividade do país que, destacou, conta cun firme aliado nos concellos gobernados polo BNG, cun modelo municipal que ten como un dos seus máis claros sinais de identidade o apoio á cultura do país».

Subliñou a líder nacionalista que o apoio do BNG á cultura galega e un dos sinais de identidade do modelo municipal por tres razóns: «Por orgullo do propio, da nosa lingua e cultura; porque é un elemento de desenvolvemento económico e de creación de emprego e, en terceiro lugar, porque favorece a cohesión social e o empoderamento das persoas. Por todo isto é un sinal de identidade dos nosos concellos», explicou Pontón. Fixo, ademais, referencia a importancia de facer política desde os concellos «porque contribúe a sentir orgullo de país, porque ter unha cultura propia é motivo de celebración, porque cando apostamos pola cultura tamén apostamos por crear emprego, tecido empresarial e industrial e hai que facelo abordando o problema da precariedade que teñen os e as creadoras e traballar desde as institucións municipais para combatela».

Na visita ao festival literario, Pontón e Sanmartín estiveron acompañadas polos escritores Suso de Toro e Daniel Asorey, polas autoras Ana Cabaleiro e Carme Vidal e polo músico Quique González.

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
26 votos
Comentarios

Pontón denuncia o «escrache» do goberno de Feijoo á lingua galega