A ANPA do colexio Apóstolo Santiago denuncia a excesiva rotación do profesorado

A asociación tamén quere asegurar a continuidade da secretaria do centro


santiago / la voz

A ANPA do colexio público Apóstolo Santiago pide garantias ante a elevada rotación do profesorado do centro. A discontinuidade do persoal docente dificulta o desenvolvemento de proxectos educativos innovadores como os plans de formación permanente do profesorado, afirma. A ANPA denuncia a discriminación que supón para os alumnos que algúns profesores gocen de comisións de servizos. Aínda así, os pais e nais entenden o beneficio que implica para outros centros o apoio do profesorado do seu colexio. Ante esta situación, a Asociación de Pais e Nais do colexio Apóstolo Santiago reclama que mentres non sexa posible a incorporación do profesorado definitivo, se cubran os postos de forma continuada para poder garantir un ensino de calidade para o estudantado.

Das dezaoito persoas que conforman o claustro oito mudarán o ano que vén. Dende a ANPA denuncian que o equipo directivo do centro leva variando máis de catro anos, o que supón máis problemas se cabe pola situación incerta derivada da pandemia.

Ademais, os pais e nais dos estudantes do colexio da Almáciga solicitaron unha comisión de servizos para asegurar a continuidade da secretaria do centro. Esta petición aínda non recibiu unha resposta favorable da Administración. A ANPA fala da problemática de que o titor de 2º, 5º e 6º de Primaria mude cada ano. Os pais aclaran que non están en contra das comisións de servizo, senón da falta de garantías ante a elevada rotación do profesorado. A asociación destaca a necesidade de formar e motivar aos docentes interinos para que se integren no centro durante o ano que traballan nel.

Newsletter Educación

Recibe todas las semanas la información más relevante sobre educación

Votación
1 votos
Comentarios

A ANPA do colexio Apóstolo Santiago denuncia a excesiva rotación do profesorado