Rubén Otero es director del CIFP Manuel Antonio (Vigo)
06 jul 2019 . Actualizado a las 05:00 h.En Vigo, o CIFP Manuel Antonio é unha referencia en FP. Ofrece ciclos de cinco familias profesionais: Hostalaría e Turismo, Industria Alimentaria, Química, Sanidade e Téxtil.
-A oferta do Manuel Antonio é moi ampla, e iso debe notarse no número de solicitantes.
-Este ano temos 2.320 para os ciclos superiores, tanto na modalidade ordinaria como de adultos. Son titulacións con moito tirón.
-Non teñen prazas suficientes para tanto interese.
-Non. Temos capacidade para 1.600 alumnos e normalmente quedamos con 1.500-1.550. Apenas hai ciclos que non estean cheos.
-É unha revolución silenciosa.
-Sen dúbida. Hai moito traballo por detrás, da Xunta e dos centros na formación do profesorado, na metodoloxía da ensinanza. Agora facemos Moita innovación, nós tivemos cinco proxectos este curso, e os centros integrados de FP traballamos en rede.
-A crise trouxo de novo á xente ás aulas.
-E os centros soubemos adaptarnos aos cambios da sociedade, a crise fíxonos máis flexibles na oferta de ciclos e os centros apostamos por unha formación de especialistas. E tamén as empresas, que entenderon que os nosos alumnos saen perfectamente preparados e colaboran en todo.