Abel L. Caamaño: «Atopo galegos nos sitios máis recónditos»

Toni Silva A CORUÑA / LA VOZROMA / EFE

ECONOMÍA

Este carballés leva 15 anos viaxando polo mundo con proxectos de axuda, e acaba de trocar Washington por Panamá

05 ago 2018 . Actualizado a las 05:00 h.

Un galego dirixe a oficina do Banco Mundial en Panamá. Abel Caamaño (Carballo, 1973) levaba quince anos traballando neste organismo internacional na súa sede en Washington, aínda que máis ben o seu día a día discorría por aeroportos de medio planeta. Dende hai uns meses xa goza algo máis da súa filla Mariana Sabela, de case dous anos, grazas ao seu posto máis sedentario como director na República de Panamá, un país estratéxico pola súa peaxe transoceánica, a súa permisividade fiscal cos estranxeiros e as súas grandes fendas entre a capital e a zona rural.

Un posto máis sedentario? Vai ser que non. Nesta entrevista Caamaño narra como lle tocan agora viaxes oitocentistas en mula para se adentrar na selva.

-Cantas persoas ten ao seu cargo no novo posto de Panamá?

-Entre 20 e 30, porque hai moita xente itinerante, especialistas, por exemplo de prevención de violencia xuvenil, que esta semana están en Panamá e a vindeira semana en Costa Rica ou El Salvador.