A vía xudicial como fórmula máis axeitada


Presidente da asociación de consumo Acouga

A asociación galega de consumidores e usuarios Acouga naceu por afectados por produtos financeiros que decidimos dotarnos da ferramenta que nos procurara, como consumidores e usuarios, dunha información correcta, o asesoramento axeitado, personalizado e de proximidade, ademais da personalidade xurídica para exercer colectivamente a defensa dos nosos dereitos.

A postura de Acouga na reclamación dos intereses cobrados de xeito indebido pola aplicación da cláusula chan é moi clara: a vía xudicial é o camiño.

Acouga ten admitida a trámite, desde febreiro do pasado ano, unha demanda colectiva por este concepto, que se resolverá en breve e favorablemente, xa que a sentenza do Tribunal de Xustiza Europeo así fallou. Ao ser o TXUE unha instancia superior a calquera xulgado dun Estado membro, o fallo, atendendo á xurisprudencia, non pode ser outro.

Desde Acouga non contemplamos as propostas extraxudiciais que están a propor desde o ámbito político-financieiro como a solución axeitada xa que non garanten nin a premura nin a total restitución dos cartos cobrados indebidamente. A nosa experiencia coas participacións preferentes así o manifesta: mentres a vía aberta da reclamación no Instituto Galego de Consumo só deu acubillo ao 30 % dos afectados, e os acordos extraxudiciais supuxeron a carga de ter que descontar dos cartos rescatados as correspondentes minutas dos avogados por conta dos reclamantes, as reclamacións que se fixeron pola vía xudicial supuxeron a recuperación do 100 % dos cartos ao teñense gañado os xuízos en costas, sendo os honorarios das defensas abonados polas entidades financeiras.

Xa sexa a través desa demanda colectiva, ou a través de demandas individuais, o xeito de recuperar a cantidade exacta que se lle adebeda a cada afectado non é outra que a dunha sentenza xudicial. Que non nos amedrenten aos consumidores nin nos enganen con cantos de serea; informémonos, asesorémonos e reclamemos na defensa dos nosos dereitos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
12 votos

A vía xudicial como fórmula máis axeitada