«Nós apostamos polo cambio e os veciños tamén nolo piden»


lalín / lA voz

A Luis Taboada, concelleiro electo de Vila de Cruces de Xuntos polo noso concello, non lle cabe dúbida de que acabará por materializarse un pacto de goberno entre a formación que lidera xunto a BNG e PSOE.

-Nalgún concello os acordos foron case inmediatos e aquí a situación ralentizouse. Hai vontade real de negociar?

-Claro que si. As cousas se foron retrasando. Vanse deixando as cousas para o final... Un está ocupado coa súa actividade e logo dámonos conta que o tempo apremia. Nós apostamos polo cambio e os veciños tamén nolo están pedindo, alomenos a min cando me atopan así mo están transmitindo. O que me comentan é que son moitos anos dun mesmo goberno e hai que cambialo e niso estamos.

-O PP pide a alcaldía ao ser a formación política con máis votos obtidos o 26 de maio.

-Nós temos máis votos que o Partido Popular se unimos as nosas forzas, e repito que o sentemento do pobo é que debemos de esforzarnos para conseguir ese cambio.

-Que escollos teñen no camiño para non pechar un acordo?

-Non hai ningún escollo. O que temos que facer non é outra cousa máis que sentarnos, falar e estou absolutamente convencido que haberá un acordo entre as partes. Mantivemos varias conversacións telefónicas pero agora hai que buscar o consenso final.

-O BNG entende que Álex Fiuza debería de ser alcalde, Xuntos aposta por vostede...

-É normal. Cada un busca o que considera mellor para o seu partido. É unha cuestión que hai que debatir e consensuar entre todos. Posiblemente é un dos asuntos máis complexos... A mellor figura para ser alcalde de Vila de Cruces posiblemente podemos ser calquera de nós, pero só pode ser unha persoa e iso é o que hai que decidir.

-Podería haber unha alcaldía rotatoria ao igual que sucedeu en Rodeiro?

-Podería ser. É unha opción. O que sei é que o tempo se reduce pero penso que nos imos entender. Hai que poñer vontade e hai que arreglarse e penso que o imos facer.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
39 votos
Comentarios

«Nós apostamos polo cambio e os veciños tamén nolo piden»