Volve a celebración do San Cidre da man de Punteirolo


Sábado dende as 19.30 horas • Domingo ás 13.00 horas • Praza do Concello • Vila de Cruces • Trece anos leva a Asociación Cultural Punteirolo organizando en Vila de Cruces o San Cidre. Este ano tamén o fará. A cita será a vindeira fin de semana, comezando o sábado co Festival de Punteirolo, ao que «virá un grupo de fóra coma todos os anos», puntualiza o presidente Julio López. O grupo de danzas Tío Lobito de Villa de Turégano, Segovia, é a agrupación convidada a un acto no que tamén actuarán os anfitrións.

«Habitualmente tamén tiñamos un grupo galego, pero o espectáculo de Tío Lobito é máis longo e preferimos non cargar moito, xa que pensamos que é mellor quedar con ganas que aburrir; ao ser as comuñóns na vila tamén atrasamos ás 19.30 horas para que poidan vir rapaces da escola a bailar», dixo López. O domingo haberá procesión do San Cidre en carroza despois da misa, e de seguido comezará unha demostración do traballo feito polo grupo ao longo do ano. A agrupación viaxará a Segovia en agosto para devolverlle visita a Tío Lobito e busca as datas reais de inicio do San Cidre na vila.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Volve a celebración do San Cidre da man de Punteirolo