José Gorís e Galego en Londres, premios Boina de Ouro e Boina Simpatía do IES Marco do Camballón

O centro convoca o Proxecto FIFA para o día 15


O xurado do concurso de fotografía Premios Boina de Ouro que creados polo Clube da Lingua do IES Marco do Camballón baixo o lema de Modernízate, pon boina, acaba de fallar concedendo o Boina de Ouro 2016 a José Goris, fotografo da Bandeira tras valorar calidade, orixinalidade, creatividade e valor sociocultural da imaxe. O premio Boina da Simpatía recae no colectivo Galego en Londres que aportou ó concurso 16 fotos sendo premiada a dunha rapaza brincando, Sara Mota, o responde as pretensión de impulsar a imaxe da boina con humor e simpatía, de maneira informal a través das redes.

Os ganadores reciben unha boina elaborada por Sandra Vilas, artesá que comezou a manufacturar a súa Boina Galega a partir da iniciativa surxida en Cruces.

O xurado conformárono Elena Ferro, a zoqueira de Merza; Celso, de Fotografía Bernabé; Olaia Vázquez, alumna da Escola de Arte e Deseño Mestre Mateo; e, Vicente Amosa, María Seijo, e Séchu Sende, do Clube da Lingua do IES Marco do Camballón,

Segundo explican no Clube da Lingua, non se trata dun premio competitivo, «máis ben é unha motivación para activar un proceso de colaboración entre moita axente e impulsar de forma cooperativa a imaxe da boina nas redes sociais».

Estes premios buscan por de moda este accesorio tradicional galego e promover o uso do galego nas reses identificando o idioma coas últimas tendencias, a vangarda da moda e da fotografía.

Proxecto FIFA en galego-portugués, o día 15

O Clube da Lingua do Marco do Camballón é hiperactivo. Multiplica iniciativas e actividade. Onte anunciou que este día 15 de 16.00 a 20.00 horas programa un campionato de FIFA 15 en XBox en portugués no propio IES.

O profesorado e o alumnado preparou un torneo programando equipas galegas femininas e masculinas de diferentes categorías desde o Celta ou o Ourense ate a equipa feminina de Vila de Cruces, Cruces FSF.

Os obxectivos que persegue la iniciativa e «visibilizar que a nosa lingua é internacional, que temos á nosa disposición, na forma galego-portuguesa, calquera dispositivo electrónico, informático, da rede social, etc, pois o noso idioma, na súa proxección internacional é unha das cinco linguas máis faladas do planeta». Tamén pretenden con este xogo «promocionar valores de igualdade de xénero, promovendo unha participación igualitaria, non discriminatoria».

Un obxectivo máis apunta a «promover e valorizar o deporte galego e os equipos de fútbol galegos, masculinos e femininos, de todas as categorías». «Canto máis galego sabemos mais portugués sabemos. E viceversa», din os organizadores destacando a conexión que facilita con 200 millóns de falantes de portugués.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

José Gorís e Galego en Londres, premios Boina de Ouro e Boina Simpatía do IES Marco do Camballón