A Festa do Lacón de Silleda reúne esta noite a 1.255 persoas

A organización porá a disposición dos comensais un total de 250 lacóns, con prevalencia un ano máis dos asados


lalín / la voz

Continúa o programa das Festas de Verán de Silleda coa celebración esta noite dun dos eventos que non pode faltar no amplo abano de citas gastronómicas do municipio: o lacón.

Na organización a Asociación de Amigos do Lacón que atenderá a 1.255 persoas que se achegarán a degustar lacón asado ou cocido, segundo a preferencia de cada quen. O lacón asado segue sendo o máis solicitado, según o presidente da comisión Luis González Abal. Serán 140 asados e 110 cocidos os que se degustarán esta noite por parte das peñas, grupos de amigos e familias enteiras que repiten ano tras ano esta cita. «Normalmente os que veñen un ano volven á seguinte edición», insiste. E despois do lacón, queixo con marmelo, rosquillas, café e sen esquecerse do viño e do pan. «As cantidades son as mesmas para os queixos, marmelo, bolos de rosquillas e pan... Falamos de 250 queixos, 250 bolos de pan, 250 botellas de viño...». A comisión mantivo o prezo do menú da pasada edición: 60 euros para cinco persoas. Con anterioridade, e para abrir boca para a noite, haberá unha degustación de lacón aberta ao público en xeral a partires das 13.30 horas na Praza Juan Salgueiro, nunha iniciativa que busca a potenciación do producto.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

A Festa do Lacón de Silleda reúne esta noite a 1.255 persoas