Unha paelleira con espectación e multitudinaria en Cortegada


Un ano máis a elaboración da paella de Cortegada (Silleda), cuxa festa gastronómica tivo lugar onte pola noite, contou cun nutrido grupo de «directores de obra» a pe de campo. Ás oito da tarde comezou o aceso do lume, «con leña de laranxo que un ano máis trouxo o cociñeiro Santi Becerra dende Valencia xa que segundo el tempera mellor o lume», explicaba Román Peña dende a organización da festa que nesta ocasión chegou a súa maioría de idade.

Unha vez feito o caldo arrancou o espectáculo de cores de todos os ingredientes precisos para elaborar unha paella cuxo sabor non pon ninguén en dúbida. Nada máis e nada menos que 1.400 quilos de produto para alimentar a 2.300 comensais, «o tope máximo de reservas que collemos». Na inmensa paelleira de 3,50 de diámetro e 60 de altura comezaron a introducirse os 30 litros de aceite, 90 quilos de verduras variadas, 150 de costela de porco, 200 de polo, 200 de mexilóns, sal e 300 quilos de arroz; «todos os ingredientes ben picadiños por parte da organización». A auga, nesta ocasión de Cortegada. «Antes o cociñeiro, que é un máis de nós, traíaa de Valencia pero deuse conta que a auga de aquí é mellor ca deles». Ás dez da noite todo listo. Os comensais nas súas mesas debidamente numeradas con garfos, culleres e vasos biodegradables, pan de Cortegada e unha sobremesa con queixo da Cooperativa Hoxe. E para alixeirar a cea nada mellor que música que continuará esta noite.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Unha paelleira con espectación e multitudinaria en Cortegada