Programan do 25 ao 28 de xaneiro a feira Cimag-GandAgro 2017

Nesta segunda edición ampliarase un día e haberá unha redución superior ao 33 % nas tarifas de espazo


lalín/ la voz

A II Feira de Maquinaria, Agricultura e Gandería Cimag-GandAgro 2017 terá lugar entre os días 25 e 28 de xaneiro. Así o decidiu onte o comité organizador durante unha reunión mantida en Silleda onte pola mañá á que asistiu a directora xeral de Gandaría, Agricultura e Industrias Agroalimentarias, Belén do Campo. Unha xuntanza na que tamén participaron Susana Pedrosa Castillo, en representación da Dirección Xeral de Educación, Formación Profesional e Innovación Educativa, un equipo de traballo da Feira Internacional de Galicia encabezado polo seu director, Ricardo Durán, e 25 destacadas identidades e empresas dos sectores da agricultura, gandería e maquinaria agrícola.

Esta feira é froito da fusión dos monográficos de gandería e agricultura, GandAgro, e de maquinaría agrícola, Cimag. No ano 2015 supuxo un éxito expositivo e de afluencia contando con máis de 20.000 visitantes, 168 expositores directos e preto de catrocentas firmas expositoras. Nesta segunda edición, o certame terá un día máis de duración e haberá unha importante redución nas tarifas de espazo, unha rebaixa superior a un 33 % respecto de cando se facían as dúas feiras por separado.

A directora xeral Belén Docampo expresou o respaldo da Xunta a esta feira, da mesma maneira que tamén o fixo o resto dos participantes. A disposición para seguir impulsando este no certame fusionado tamén foi latente en todos os participantes.

Durante a reunión os membros do comité abordaron diferentes aspectos relativos a comercialización, promoción e organizativos como foi a fixación de data e a ampliación o mércores 25, para que os expositores poidan levar a cabo unha mellor atención aos profesionais ademais de dispor de máis xornadas para evitar o solapamento da programación durante as diferentes e variadas xornadas técnicas.

Como continuidade a está reunión está programada unha segunda para finais do vindeiro outubro na cal se fará un seguimento da evolución da contratación e programación das actividades.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Programan do 25 ao 28 de xaneiro a feira Cimag-GandAgro 2017