Estivemos na de Noceda,que rexistrou notable asistencia nas dúas xornadas
17 ago 2022 . Actualizado a las 05:00 h.Esta longa fin de semana de mediados de agosto é sen dubida a que concentra o maior numero de celebracións festeiras na nosa comarca de Deza e tamén en Galicia. Contamos ata preto dunha vintena de festas e romarías, o redor das festividades de Santa María a Nai de Deus e o milagreiro San Roque, avogoso das pestes noutro tempo. A Santa María é a patroa en vinte e sete das 153, parroquia dos seis municipios de Deza e a imaxe e a devoción dos San Roque , está ou estiveron presentes na case totalidade das parroquias.
Temos constancia das celebradas en Bermés, Noceda, Filgueira, Cristimil e Soutolongo no municipio de Lalín; Graba, Carboeiro, Abades e O Foxo no de Silleda; Sabrexo e Oirós nas Cruces; Berredo, Val, Basadre e Vilariño no de Agolada; Río en Rodeiro, onde tamén se celebrou o Faro Pequeno, con grande concorrencia de ofrecidos. De algunhas delas xa se temos ofrecido reportaxes en anos anteriores e aínda habemos achegar algún mais neste, polo que non podendo estar en todas a un tempo, traemos hoxe aquí a que realizamos na parroquia lalinense de Santa María de Noceda, festas que estiveron moi concorridas de veciños e festeiros nas dúas xornadas, con actos relixiosos e profanos a volta da pandemia que impediu a celebración dos dous últimos anos.
Actos
Os actos relixiosos nas xornadas do luns e martes, consistiron en sonllas misas solemnes oficiadas polo cura reitor do Corpiño e párroco destas e outras parroquiais da contorna, José Criado Sánchez, as que seguiron as correspondentes procesión con dúas imaxes da Virxe María das de vestir e a do San Roque, mais antiga cas outras e precedidas todas polo estandarte parroquial e a espléndida cruz procesional, contando cos acompañamentos musicais do grupo Os Dezas de Moneixas o primeiro día e da charanga Ardores, na segunda xornada.
Nas actividades profanas destacou o concerto de Tiruleque «20 anos no Camiño» na xornada do luns, que amenizou a verbena o grupo Acuarela. O martes a música puxérona o dúo Caché e a referida charanga Ardores. Houbo actividades recreativas para os mais cativos e non faltou o xantar das casas con festerios , como ven sendo tradición nesta festa e a non-parroquia menos concorrida da Santa Cruz, que celebra a parroquia a primeiros de maio de cada ano, tamén nesta igrexa entre o barroco e o neoclásico, que aínda conserva elementos románicos e enterramentos fidalgos no interior, así coma fermosos retablos neoclásicos con algunhas imaxes antigas.