Novas experiencias para a Polifónica

A coral lalinense encara o seu oitavo festival e ábrese a novas colaboracións con colectivos do termo municipal


A Asociación da Coral Polifónica de Lalín celebrou asemblea ordinaria, na que se dou conta da memoria de actividades do ano 2019 e dos proxectos que se pretenden realizar ao longo deste exercicio. Para o presidente da entidade Paco Sesto o 2019 «foi o de máis actividade con case 30 concertos e no que máis se consolidaron os festivais». A asociación; que acubilla a tres formacións: Coral Polifónica, Coro Luis Areán e Coro Xoven Voz, debullou ante os socios un completo programa de actividades que pretende levar a cabo. A primeira será o oitavo Festival de Coros o 18 de abril, ás 19 horas na Sala Tuno Valdés, no que participarán as formacións de Botos (Lalín), Camanzo (Vila de Cruces), Mera e os anfitrións. O Festival de Coros Infantís e Xuvenís será o 23 de maio, e contará co grupo do IES Antón Losada de A Estrada, un coro de Noia e os dous lalinenses. Xóvenes e cativos dos coros de Lalín que tamén participarán nun encontro de coros galegos no Grove, entre maio e xuño. E á espera de poder materializar futuras saídas, condicionadas polo coronavirus, será un ano de cursos de formación «e de seguir facendo colaboracións con outros colectivos do municipio ao ser moi gratificante».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Novas experiencias para a Polifónica