José María Carballo, de Profeplás: «O maior reto foi fabricar e montar un depósito de 80.000 litros»

A escasez de auga fai que desta firma especializada en estruturas termoplásticas saian moitos recipientes

.

lalín / la voz

A traxectoria empresarial de Profeplás comezou no ano 2013 en plena crise económica nun momento en que, segundo recoñece o seu administrador José María Carballo, «ninguén daba un peso por nós nin polo noso proxecto». A tesón, o esforzo e o crer firmemente no que tiñan nas mans «levounos a dous amigos a xuntarnos e apostar por algo que xa coñeciamos ao vir de empresas onde se traballaba este mesmo produto». Profeplás, con instalacións no Polígono Lalín 2000, recibirá o vindeiro sábado o Premio á Innovación da AEDeza.

-Fabrican e montan todo tipo de estruturas termoplásticas, ¿en que consiste exactamente?

-É unha fábrica de depósitos termoplásticos. Chámaselle plásticos a un PVC, a un polietileno... e hai como unha vintena de plásticos e úsase cada un según para que tipo de almacenamento sexa. Á marxe diso facemos todo tipo de estruturas plásticas como poden ser os silos, pasarelas e equipos específicos para a industria química que é no que estamos agora mesmo a traballar.

-Situáronse como referente en España e están presentes en varios países.

-Os nosos clientes son empresas medianamente grandes que teñen os seus traballos en moitos países que precisan de medidas especiais e aí é onde entramos nós coa fabricación dese produto especial que nos requiren. Os nosos produtos están presentes nuns 20 países. Fabricamos e montamos as estruturas co equipo e co noso persoal cualificado propio.

-Que centra na actualidade a maior demanda na empresa?

-Debido á escasez de auga que hai os depósitos de almacenamento é o que máis se nos require. O taller está cheo de depósitos e continúan chegando pedidos, e logo están os traballos para a industria química.

-Cal foi o traballo realizado que supuxo máis complexidade?

-Un que fixemos fai ano e medio. Un proxecto moi grande para Portugal que foron varios depósitos; o maior reto foi fabricar e montar un de 80.000 litros e outra vintena máis de equipos. Foi unha obra moi complexa, transporte especial ata o país veciño...

-Que significa o Premio AEDeza para Profeplás?

-Unha demostración que estamos a facer as cousas ben e que soubemos saír da crise. Os comezos non foron fáciles pero apostamos por este proxecto e tiramos para diante. Eramos dous e hoxe temos dez traballadores e funcionando a pleno rendemento.

-No horizonte empresarial?

-Un proxecto para o ano que ven en Panamá, medrar e traballar todos os días.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

José María Carballo, de Profeplás: «O maior reto foi fabricar e montar un depósito de 80.000 litros»