As corais de Barro e Berres, no festival da Polifónica de Lalín

A formación lalinense ofrecerá por vez primeira un concerto por mor da celebración do Día das Letras Galega


Dar a coñecer as corais que existen na comunidade foi o obxectivo da posta en marcha do Festival de Corais de Lalín, que alcanzará o vindeiro 30 de abril a súa quinta edición, segundo explicaba o presidente da formación local Paco Sesto. Unha cita coa música coral, que dará comezo ás 21 horas no Salón Teatro de Lalín, e na que participarán as corais de Berres e Barro actuando como anfitriona a Coral Polifónica de Lalín en na que tomará parte tamén o Coro Luís Areán. «É un coro que tentamos dinamizar e os cativos aproveitarán o festival de corais para interpretar algúns dos seus últimos traballos», significou Sesto.

Un evento de canto coral en Lalín ao que lle seguirán múltiples actuacións e saídas para a coral lalinense. «Actuaremos en Barro alá para o 1 de xullo despois de que eles estén aquí a finais de mes. A Berres xa fomos polo que non temos unha visita pendente pero na axenda xa están outros concertos pechados e algúns que se poderían concretar en vindeiros días». Así no mes de maio a Coral Polifónica de Lalín desprazarase ata a parroquia de Doade para cantar no Museo Casa do Patrón e, para ese mesmo mes, prepara un concerto novidoso por mor da celebración do Día das Letras Galegas. «Será a primeira vez que teñamos un acto o 17 de maio e a intención do director Benxamín Otero é facer algo novidoso cun concerto de cancións en galego, ao aire libre nalgún espazo do casco urbán da vila». A formación lalinense está mantendo tamén contactos encamiñados a pechar posiblemente tres actuacións máis e traballa preparación do Festival de Outono, que terá lugar no vindeiro mes de outubro e prolongarase ao longo de tres fins de semana. Por outra banda o Coro Luís Areán continúa cos ensaios das cancións de Disney que serán o fío condutor do seu festival que prevén celebrar no próximo mes de xuño.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

As corais de Barro e Berres, no festival da Polifónica de Lalín