«Temos conversas con coros de fóra de Galicia para ir alí»

Para a Coral Polifónica de Lalín e o Coro Luís Areán achéganse meses cheos de actividade


lalín / la voz

Ao eido formativo polo que sempre aposta a directiva e integrantes da Coral Polifónica de Lalín, que trae hoxe ata a capital dezá a Ramón Bermejo director do Coro da Ra, a agrupación afronta meses de saídas e múltiples actuacións.

-Teñen por diante unha xornada de formación intensiva.

-Así é. O curso será de 10.30 a 14 horas e de 16 a 20 horas. Ramón Bermejo estará cos membros do Coro Luís Areán de 12 a 14 horas e o resto do día cos maiores. Sempre que programamos un curso de formación media xornada vai sempre adicada aos nenos. E mañán -por hoxe- tamén será así.

-Preséntase unha tempada primavera-verán con moitas saídas?

-Estamos mantendo conversas con con coros de fóra de Galicia para ir alí. A intención é poder actuar en Puebla de Sanabria, Ponferrada e Zamora, e logo dentro da comunidade xa está previsto facelo en Noia e en Barro. Estamos tamén traballando intensamente xa no vindeiro festival de outono, que se celebrará ao longo de tres fins de semana, e para o que contaremos cun coro de Teo e coa formación coral de Ponteareas. Antes, o 30 deste mes, teremos o noso festival coa participación das corais de Barro, Berres, o Coro Luís Areán e a Coral Polifónica de Lalín. Por outra banda para o 17 de maio, Día das Letras Galegas, queremos celebrar un concerto no casco urbán lalinense para o que estamos a buscar un sitio axeitado.

-E para o coro dos cativos, ¿que está previsto?

-O máis inmediato, entre marzo e abril, actuarán nas dúas residencias de Lalín. Posteriormente no mes de xuño, o día 11 concretamente, participarán en Barro nun festival infantil que se celebra alí e o 17 dese mesmo mes está previsto presentar nun festival «A viaxe de Coral», que son todas cancións de Disney.

-Estarán máis viaxeiros...

-Son cinco anos os que levamos traballando e os desprazamentos van dependendo das épocas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«Temos conversas con coros de fóra de Galicia para ir alí»