«Divulgar a cultura que rodea o violonchelo é o que nos move»

A Asociación Soncello, en cuxa directiva está o músico silledense Millán Abeledo, celebrará xuntanza o día 13 en Lalín


Despois de xuntarse en Vigo, Ferrol, A Coruña, Santiago e Pontevedra a Asociación de Violonchelistas de Galicia (Soncello), fundada en 2012 e que conta cun cento de socios, escolleu a capital dezá para manter o seu quinto encontro, que se desenvolverá no Conservatorio Profesional de Lalín o vindeiro domingo.

-A xuntanza durará todo o día e estamos intentando ir «conquistando» diferentes lugares de Galicia. Queriamos vir ao interior e aínda que eu son de Silleda estudei no conservatorio lalinense, outros socios tamén o fixeron aí, e a verdade é que só nos brindaron facilidades para facer en Lalín a quinta xuntanza. Quero agradecerlle especialmente a Benxa Otero a súa disponibilidade e colaboración para con nós.

-¿Que os levou a crear a Asociación Soncello?

-A asociación naceu para divulgar este instrumento e a cultura que o rodea, é o que nos move. Salientar que foi unha asociación pioneira en España ao non haber ningunha cinco anos atrás, a partires de aí xa nos copiaron e xurdiron máis colectivos.

-¿Cales son os obxectivos de Soncello?

-O poder xuntarnos, tocar pezas, programar xuntanzas coma a do vindeiro domingo... e mesmo se creou un cuarteto que non había aquí.

-Falaba de divulgar ese instrumento, ¿é aínda un tanto descoñecido?

-Ao igual que a música clásica segue habendo un pouco a idea de que é elitista e só para algúns. Queremos que se saiba que se poden facer cousas interesantes e que a música clásica pode ser disfrutada por todo o mundo e que non hai que ser un erudito nen ter coñecementos musicais para disfrutala.

-¿Como se estructurará esta xuntanza?

-Comezaremos ás 11.30 da mañán cunha charla-concerto que ofrecerán Guillermo Turina (Madrid) y Ester Domingo (Zaragoza), especialistas en barroco. Logo presentaremos a nova web da asociación que acabamos de actualizar e, antes de ir a comer un cocido, acturá o grupo de chelos do conservatorio de A Coruña. Pola tarde haberá un concerto de Saúl Nogareda de Culleredo, dentro de apartado de xóvenes intérpretes que sempre contemplamos nas xuntanzas, para dar paso a Mila García e Olalla González que falarán da metodoloxía suzuki no chelo. Remateremos a xuntanza cun concerto de Soncello Ensemble e a Orquestra de Violonchelos, formada cos participantes nos diferentes concertos.

-¿Cantos músicos se darán cita en Lalín?

-A verdade é que é difícil de calcular. Para xantar somos trinta os anotados e logo para estar na xuntanza podemos estar corenta ou cincoenta. Todos os que queiran asistir serán benvidos e engadir que a totalidade das actividades son de acceso libre para quen esté interesado.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«Divulgar a cultura que rodea o violonchelo é o que nos move»