12 feb 2011 . Actualizado a las 06:00 h.
A xornada en Primeira Autonómica depara dobre partido na casa esta tarde. O Clínica Deza Xabañús, que defende o liderato, mídese no Lalín Arena ao Tirso de Molina Mosteiro de Poio a partir das 19.30 horas. O choque de hoxe resulta determinante para os dezanos, xa que o rival ocupa a segunda praza da táboa, e cun trunfo ampliarían a tres puntos a súa distancia.
Doutra banda, o Balonmán Deza agarda no Municipal ás 16.30 horas ao Poio Artai, o pechacancelas da clasificación, e un rival que aínda non sumou ningún punto no que vai de segunda fase. Un trunfo dos de Sergio permitiríalle ao Deza aproximarse á zona tranquila da táboa e abrir distancia cun rival xa case sentenciado.