Historias, romances e títeres dende O Cebreiro a Santiago

Seisdedos fará o Camiño Francés e ofrecerá representacións en doce albergues O grupo Seisdedos de Lalín representará a súa obra «O cego dos monifates» en doce albergues ó longo do mes de xullo aproveitando a peregrinación que farán dende O Cebreiro ata Compostela polo Camiño Francés. As xornadas dividiranse en etapas de tres días comezando o día 1 e rematando o 24 en Santiago. Esta novidosa iniciativa, que xa realiza Seisdedos pola súa conta no tramo Roncesvalles-Logroño, está subvencionada polo Xacobeo.


LALÍN

Os lalinenses Anxo García e Iñaki Vilariño, membros de Seisdedos, percorrerán o Camiño Francés dende O Cebreiro ata Santiago dun xeito novidoso xa que representarán a súa obra «O cego dos monifates» en doce refuxios de peregrinos. As actuacións levaranse a cabo en O Cebreiro, Fontefría, Samos, Sarria, Melide, Arzúa, Arca e Santiago, entre outras localidades. Seisdedos convidará ós habitantes de cada pobo a tomar parte na función mediante un pequeno pregón e representando un pequeno fragmento da obra.«O cego dos monifates», unha peza que se está a representar tamén nas parroquias lalinenses dentro da programación de Circuítos Culturais no Rural, básase nun cego e un lazarillo que contan historias, cantan romances con zanfoña e remata cunha representación de títeres. O grupo lalinense Seisdedos pretende con esta peregrinación-función ó longo de 140 kilómetros recoller historias de boca dos propios peregrinos que poidan atopar no treito O Cebreiro-Santiago.No ano 1999, Seisdedos xa levara a cabo de xeito experimental unha actividade semellante realizada no tramo Roncesvalles-Logroño onde puideron recoller algunhas historias contadas polos peregrinos. Nesta ocasión o grupo lalinense levará un coche de apoio co material preciso para o espectáculo e convita ós cidadáns a acompañalos na viaxe que se fará en xornadas divididas en etapas de tres días.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Historias, romances e títeres dende O Cebreiro a Santiago