Helena Gómez, en relato, e David Obelleiro, en poesía, gañan os premios Minerva
SANTIAGO / LA VOZ
FORCAREI
02 mar 2019 . Actualizado a las 14:05 h.
Helena Gómez (colexio M. Peleteiro), co relato Realidade, e David Obelleiro (IES Chano Piñeiro de Forcarei), con Poemas baldeiros para un mundo nihilista, foron os vencedores dos premios literarios Minerva organizados polo colexio M. Peleteiro para alumnado de 3.º e 4.º da ESO e de Bacharelato de Galicia. Na modalidade de narrativa gañada por Helena Gómez quedou segundo David Sánchez (IES Castelao de Vigo) e terceira, Alba Guzmán (IES Eduardo Blanco Amor de Ourense). Na sección de poesía, despois de David Obelleiro, quedaron Lorena Fernández (IES Blanco Amor de Ourense) e Paula Varela (colexio María Auxiliadora de Lugo). Houbo, ademais, tres accésits por sección.