Miguel Ángel Docasar (BNG): «Aumentou a débeda, con pouco retorno para as aldeas»

Miguel Ángel Docasar Areán (As Nogueiras, Santa María de Dozón, 53 años) milita no BNG desde 1999. Estreouse como concelleiro neste derradeiro mandato como número 2 da candidatura que encabezou Mar Vila. Licenciado en Matemáticas por la Universidade de Santiago de Compostela é profesor de Ensino Secundario e Bacharelato. Ao igual que a súa compañeira Mar Vila, tomou posesión no 2019 da súa acta levando un exemplar do libro Sempre en Galiza de Castelao

—Como valora a situación política actual en Dozón?

—Hai unha ausencia de democracia real e pouca transparencia.

—Cre que houbo un cambio de política da de Adolfo Campos Panadeiros a agora a do seu fillo Campos Vázquez?

—Non, seguimos cos mesmos métodos e prácticas caciquís.

—Que balance fan do goberno destes derradeiros catro anos?

—Foi un goberno de continuísmo con moito auto-bombo, e a inhabilitación do señor Campos Panadeiros e a tesoureira da anterior corporación. Aumentaron os presupostos e aumentou a débeda, con pouco retorno para as distintas aldeas.

—Cal é o obxectivo do BNG para o 28 de maio?

—O noso obxectivo é claro: mellorar os resultados e cambiar o goberno.

—Cree que a lista nacionalista que encabeza ten os ingredientes necesarios para atraer novos nichos de votantes?

—A seriedade e a preocupación pola veciñanza son o noso aval para atraer votantes.

—Que destacaría dela?

—Está integrada por xente activa, traballadora con moito interese en cambiar a situación actual do concello.

—Ve factible incrementar a actual representación na corporación?

—Si, o noso traballo e o feito de ser os únicos que propoñemos alternativas para mellorar a situación actual.

—Que puntos destacaría do programa do BNG?

—No noso programa levamos a realización de redes de saneamento e a mellora das traídas de auga, a mellora das vías de comunicación municipais que actualmente están abandonadas. Corrixir as deficiencias da telefonía e fibra óptica e a revisión e baixada do IBI.

—Algún apunte en materia social, economía e emprego ou en urbanismo?

—As nosas preocupacións son os veciños. Xa temos en funcionamento a hospitalización domiciliaria en Dozón, despois das nosas reclamacións, e queremos seguir a mellorar as atencións básicas sanitaria da cidadanía. Consideramos tamén prioritario atender as necesidades das explotacións agrogandeiras e as actividades empresariais.

---

---

---