Bandas de música e orquestras, prato forte das festas de San Pedro e San Pablo

Os membros da comisión organizadora elaborou un programa variado para satisfacer o gusto de todos os públicos

.

lalín / la voz

Agolada abre hoxe as festas na honra a San Pedro e San Pablo cun amplo programa deseñado por unha comisión que tivo que artellar os festexos en só tres semanas. «Empezamos a organizarnos un pouco tarde, estivemos bastante liados coa organización do programa pero intentamos facelo o mellor posible coa intención de que guste a veciños e visitantes», explica Jorge Negro. Este agolense xunto a Luis Rivas, Rubén Porto, Ricardo Varela, Santi Méndez e Iván Sánchez son quenes se fixeron cargo duns festexos que comezan hoxe cun pasarrúas da man da Banda de Música de Agolada dende as once. A misa solemne que cantará a Coral Polifónica de Agolada está fixada para a unha, ás 14 horas haberá concerto da formación bandística agolense e pola tarde zumba. A agrupación ofrecerá un novo pasarrúas ás nove da noite xunto á Banda de Música Cultural de Salceda. Antes da verbena que correrá a cargo das orquestras Escaparate e Trébol as bandas presentarán o espectáculo «De tradición» con Suso Vaamonde. «É algo diferente e moi atractivo que entendemos que lle vai gustar á xente e que se levará a cabo na Praza do Concello se acompaña o tempo, e do contrario se trasladaría ao Auditorio Costa Casares», dixo Negro. Unha vez remate arrancará a verbena, será ao fío das 23.15 horas segundo prevé a comisión.

As bandas de música tamén cobrarán protagonismo na xornada sabatina. «É que somos un pobo de bandas. A nosa é moi laureada, con moito presente e futuro. A de Salceda está dirixida por un veciño do municipio e alegrámonos que esté nas festas e que veña coa banda que está dirixindo na actualidade... Nas festas deste pobo non pode faltar a música das bandas», sentencia Jorge. E de seguro que non faltarán. A Banda de Música Cultural de Salceda será a encargadado pasarrúas e concertos de mañán, que se celebrarán ás 14 e ás 21 horas. Costa Blanca e Capitol son as orquestras que amenizarán a verbena sabatina. A comisión, co traballo realizado e a boa predisposición de veciños e outras axudas, mesmo conseguiu que o domingo actúe outra formación bandística: a de Antas de Ulla a partires das 13 horas. Esforzo duns ramistas que agradecen «a colaboración dos veciños e do concello que nos botou unha man. Nós traballamos duro e con esforzo pero eles tamén nos axudaron a que as festas poidan sair adiante. Agora só esperamos que o tempo nos axude e que non chova».

Toca pois disfrutar das festas e logo «ceder o testigo a outras persoas, xente nova e con outras ideas para que se fagan cargo».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Bandas de música e orquestras, prato forte das festas de San Pedro e San Pablo