Invernía preséntase ao público en A Estrada

As entradas para a presentación do grupo poden retirarse no Concello de A Estrada, taberna de Ouzande e no teatro o día do concerto


A banda de gaitas Invernía, con máis dunha trintena de músicos galegos nas súas filas, e da que forman parte estradenses do grupo ouzandés Retrouso, levará a cabo este domingo o seu concerto de presentación no Teatro Principal de A Estrada ás 20 horas nun espectáculo no que interpretará o mesmo repertorio que o que levará a Francia; ao Festival Intercéltico de Lorient no vindeiro agosto.

Esta banda, cuxo proxecto musical naceu no ano 2018, foi fundada a medio camiño entre Compostela, Dumbría, Vedra e A Estrada contando con compoñentes de todas as idades e co gallo de poñer en común o traballo das escolas de música tradicional destes lugares.

Invernía está conformada pola fusión de catro agrupacións co que se creou un conxunto heteroxéneo e colorido, enfocado á interpretación dun repertorio máis seleccionado e fresco, e na súa dirección están os mestres Ramón Maril, Marcos Varela e Noelia Bouzón.

Ademais da banda de gaitas, Invernía conta tamén co seu propio grupo de pandereteiras; Folerpas de Invernía, conformada polas propias percusionistas e gaiteiras deste proxecto.

É salientable o feito de que o grupo estradense Retrouso achega dez dos seus integrantes a este proxecto e que o nome de Invernía foi escollido para o grupo pola súa musicalidade, o seu carácter galego; moi do país, ao igual que a gaita é un elemento moi representativo da nosa cultura. Para máis engado tamén é o título dunha peza interpretada polo grupo Milladoiro, polo que tamén supón «unha pequena homenaxe a este e a todos os colectivos que levan anos mantendo viva a nosa tradición».

A banda de gaitas coida os detalles e conta cunha identidade gráfica, obra de Rosa de Cabanas, inspirada no nome da formación e nas súas evocacións e a pesares da súa curta vida artística participou en foliadas e seráns, foi grupo convidado na presentación do disco FA de Susana Seivane e o 17 de maio presentouse en Compostela.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Invernía preséntase ao público en A Estrada