Será a partires das 12.30 con entrada de balde
09 jun 2016 . Actualizado a las 05:00 h.Os músicos Uxía, Magín Blanco y Santi Cribeiro ofrecerán este sábado un concerto no teatro Principal da Estrada dentro do programa FalaRedes da Secretaría Xeral de Política Lingüística. Os músicos -que teñen mostrado a súa valía para engaiolar ó público infantil en traballos como María Fumaça, Rosalía Pequeniña, A nena e o grilo ou Gatuxo- cantarán poemas do escritor Manuel María, ó que este ano se lle dedicou o Día das Letras Galegas.
O concerto está pensado para nenos maiores de cinco anos e as súas familias.
Os poemas escollidos son unha escolma dos libros de poemas para nenos de Manuel María As rúas do vento ceibe e Os soños na gaiola, así como tamén de Terra Chá e Os lonxes do solpor. A isto hai que engadir unha canción propia de Magín e Uxía: Todo me fala de ti.
O concerto será ás 12.30 horas, con entrada de balde, pero é preciso retirar as invitacións no departamento de Cultura do Concello ou na billeteira do teatro.