O escritor Ramón Vilar gaña o premio Reimóndez Portela

O galardón xornalístico foille concedido por unha serie de tres artigos publicados na edición de Carballo de La Voz de Galicia


O xornalista e escritor Ramón Vilar Landeira, natural de Cerceda, ven de acadar o premio de xornalismo Manuel Reimóndez Portela na súa vixésima edición.

O galardón, concedido pola Fundación de exposicións e congresos da Estrada, recoñece unha serie de tres artigos -A vez que me bicaron nunha cabina electoral, As volutas de fume dos habanos e Aquel lume que lles ardía nos ollos- publicados na sección Fóra de cobertura de La Voz de Galicia, na edición de Carballo. O xurado valorou «a frescura, a fluidez e o estilo narrativo que mantén a atención do lector ó longo dos artigos»

Ramón Vilar foi xornalista e columnista en varios xornais e director da revista Vieiros na súa derradeira etapa. Como escritor, obtivo o premio de poesía Rosalía de Castro de Cornellà e o premio Valle-Inclán de relato curto no 2006 coa obra Arrítmicos eran os corazóns. O ano pasado publicou na editorial Xerais a novela Os televisores estrábicos.

A entrega do premio -dotado con 1.000 euros- será o día 25 ás 19.00 horas no recinto da Feira do Moble, nun acto presentado polo presidente da Real Academia de Ciencias de Galicia, Miguel Ángel Ríos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O escritor Ramón Vilar gaña o premio Reimóndez Portela