A igrexa do Mosteiro de Carboeiro, en Silleda, acolle este sábado día 6 o concerto Tamara Brooks, un concerto de música clásica que reunirá case cincuenta alumnos e profesores da trixésimo terceira edición do curso de verán de dirección, canto, coro e orquestra.
Este curso leva o nome da prestixiosa directora de orquestra Tamara Brooks, falecida en 2022 e conta coa presenza de destacados profesionais, entre eles Julio Domínguez, organizador do curso, Eduardo G.Novelli, Alexandra Tarniceru, Carmen Subrifo, Gloria Novoa, Arabel Moráguez, Vitor Lima ou a pianista Rosa Biveineine, entre outros.
O concerto terá lugar ás 19.00 horas, coa entrada de balde e, nas palabras da concelleira de Cultura Mónica González «unha vez máis o mosteiro de Carboeiro e a súa beleza volverán fundirse coa música clásica».