31 may 2022 . Actualizado a las 05:00 h.
O Principal da Estrada acollerá hoxe ás 20.30 horas o último Parladoiro das Letras da tempada organizada co galo do 75 aniversario do teatro. A actividade estará protagonizada polo escritor vigués e director da Editorial Galaxia, Francisco Castro.
A tertulia literaria xirará arredor da obra do autor, gañador do Premio de Novela Manuel García Barros no ano 2007. Ademais, analizará o estado do mundo editorial e desvelará curiosidades sobre o escritor. A entrada para o evento será de balde ata completar as corenta prazas dispoñibles.
O moderador do Parladoiro será o locutor de Radio Estrada Pablo Chichas.