Deza: A un amigo

Sempre que toca marchar, resoan palabras de agradecemento e de posta en valor das virtudes de quen se vai. Pero desta volta non son palabras, deixas feitos, actitudes e formas de ser exemplares. Os que delas disfrutamos sabémolo ben.

Es, fuches e serás o compañeiro que todos desexamos, co que é fácil convivir, o que sempre ten boa cara e está disposto a axudar.

Deixas unha gran marca no teu colexio de Prado, tan grande coma o recordo, cargado de bos momentos e que uns poucos tivemos a sorte de compartir contigo.

Sencillo, humilde, calmado, coherente, prudente, amable, boa persoa,.. Amigo.

Sempre no noso corazón, J. M. Cangado.