A Forxa Literaria homenaxea a Xosé Vázquez Pintor


A Fundación Paco Lareo A Solaina de Piloño celebrará o vindeiro 6 de xullo a décimo cuarta edición da Forxa Literaria, na que se lle tributará unha homenaxe ao escritor Xosé Vázquez Pintor. A xornada comezará ás 18 horas cunha mesa redonda, despois da benvida da presidenta Carmen Lareo, na que falarán Manolo Forcadela, Daniel González Alén e o propio Vázquez Pintor sobre a obra e vida do narrador, dramaturgo e ensaista da «Terra do Medio». A música correrá a cargo de Baldomero Iglesias «Mero» e Xosé Iglesias «Buxán». Descubrirase o relevo do artista, obra realizada por José Luis Ferreiro, O Vila, e posteriormente os gaiteiros Plácido Rozas e Tamara Soto interpretarán a Muiñeira de A Solaina, da autoría de Rozas, e o Himno de Galicia.

Un novo encontro da Forxa Literaria na que Xosé Carlos Carracedo presentará tamén o seu libro, titulado Somos de Arxerís, e haberá un recital poético no que intervirán María Lado, Carlos Negro e Lucía Aldao. Non faltarán as contadas de Celso Fernández Sanmartín e a entrega de medalla de Amigos da Solaina que nesta edición irán a parar á Coral Polifónica de Agolada e a Mara Lado Lariño.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A Forxa Literaria homenaxea a Xosé Vázquez Pintor