Amigos do Camiño de Santiago: «A idea é facer o Camiño de Inverno nunhas quince etapas»

O colectivo prantexa retomar o percorrido en Semana Santa, con distancias diarias máis curtas e moito máis asequibles


O Camiño de Inverno, que parte de Ponferrada ata chegar a Compostela, era usado polos peregrinos para evitar as neves do Cebreiro. Un camiño que está cobrando cada vez máis protagonismo e que dende a Asociación de Amigos do Camiño de Santiago por Lalín-Deza se encargan tamén de dar a coñecer. De feito o colectivo prepara novas etapas.

-Que pretenden facer?

-Queremos repetir a experiencia que promovemos dende a asociación facendo o Camiño de Inverno dende Ponferrada a Santiago pero a idea é facelo en quince etapas. Significaría facelo en tramos máis curtos para que se poida anotar máis xente, e que disfruten desta experiencia.

-Son máis de douscentos quilómetros ata Compostela.

-Son 264 quilómetros e cando fixemos o camiño as etapas eran máis longas. Agora o que nos prantexamos dende a asociación é programar unhas etapas de dezaoito ou vinte quilómetros para que sexan aptas para máis xente, máis asequibles en definitiva para un maior número de persoas.

-Cando prevén comezar?

-Queremos ter todo listo para poder comezar en Semana Santa e ter pechado xa o calendario das diferentes etapas a realizar. Antes, por certo o 23 antes da Feira do Cocido chegará un cento de camiñantes do Bierzo.

-Acotarán o número de participantes?

-Non pensamos facelo. Nós o que buscamos, e para iso naceu a asociación, é dar a coñecer as riquezas do camiño e divulgalo.

-Que esperan do próximo Xacobeo 2021?

-Máis divulgación. Máis sensibilidade do camiño.

-Nótase xa a presenza de máis peregrinos?

-Os peregrinos que fan o camiño no outono ou no inverno son persoas que o fan normalmente soas ou en parella, no verán xa se ven máis familias ou grupos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Amigos do Camiño de Santiago: «A idea é facer o Camiño de Inverno nunhas quince etapas»