Helena Salgueiro, de 16 anos, gaña o premio literario Avelina Valladares

O poemario «Intermitencia da cidade» foi elixido por unanimidade

O xurado reuniuse onte en A Estrada para elixir o gañador entre máis de 30 traballos.
O xurado reuniuse onte en A Estrada para elixir o gañador entre máis de 30 traballos.

a estrada / la voz

O poemario Intermitencia da cidade de Helena Salgueiro Golán foi elixido onte como o gañador da 16ª edición do Premio de Poesía Avelina Valladares convocado por lo Concello da Estrada e a Asociación de Consumidores e Amas de Casa Avelina Valladares. O xurado, conformado por Antía Otero, Andrea Porto, Xosé Luna e Dolores Araujo, como secretaria, elixiu por unanimidade a obra desta xoven de Santiago de 16 anos.

O xurado destacou da obra presentada baixo o pseudónimo de Estadio que a nivel construtivo «está confeccionado a base de imaxes propias, artellando un discurso de temática amorosa sen caer nos tópicos e abrindo dende ela un abano a outros temas que reflicten unha visión particular da vida». Destacaron, ademais, que non estaba organizado de xeito tradicional senón como un monólogo.

O concelleiro de Cultura de A Estrada, Juan Constenla, foi o encargado de abrir o sobre que desvelaba o nome da gañadora que se escondía baixo «Estadio» e de darlle a nova a Helena Salgueiro. A sorpresa foi pola súa idade, tan só 16 anos, que apuntan podería ser a máis nova en gañalo na categoría de adultos. Presentáronse máis dunha trintena de traballos. Agora, a gañadora vai ser a pregoeira da próxima edición da Festa da Poesía, prevista para setembro-outubro, ademais os poemas serán publicados por Edicións Fervenza coa colaboración do Concello..

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos

Helena Salgueiro, de 16 anos, gaña o premio literario Avelina Valladares