«Como os mozos non van á misa, o Padre Merino ten que evanxelizar nos bares»


O Padre Merino, o máis mediático dos sacerdotes da comarca, recalará hoxe no Café Nicol?s da Estrada para ofrecer o seu monólogo Amén (Accións Misioneiras Evanxélicas Nocturnas). O primeiro sermón será ás 23.00 horas e o segundo pase ás 00.30. Dálle vida o polifacético actor estradense Francisco Campos.

-Actor, músico, locutor de radio... ¿cal é a súa verdadeira vocación?

-Boa pregunta. Gústame todo, pero desde hai catro anos creo que estou atopando o que realmente son: actor, paiaso, clown... O que máis me gusta é estar en contacto directo co público e facelo rir.

-¿Como colleu os hábitos o Padre Merino?

-Case de casualidade. Xurdeu como unha improvisación nun curso de clown.

-Xa ten evanxelizado bastante...

-O ano pasado levou o primeiro premio no concurso de monólogos do festival internacional de teatro de Carballo e no de monólogos de Cuntis. Este ano acadou o mesmo premio en Pontedeume e participou na sección oficial do Festiclown.

-¿Que fai un cura polos bares?

-Como os mozos non van moito á misa o padre foi seleccionado para traballar nas novas cruzadas do Vaticano. A súa especialidade é falar sobre os pecados capitais: luxuria, gula, pereza...

-Un monólogo interesante...

-Máis ca un monólogo é un cúmulo de técnicas de actuación. Hai maxia, música e cancións en directo, xogos de interactuación co público... Un show.

-¿E ten bula papal?

-Ó final de cada espectáculo xustifico ante o Vaticano o avance na evanxelización. Nese capítulo, haberá unha sorpresa para o público.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
12 votos

«Como os mozos non van á misa, o Padre Merino ten que evanxelizar nos bares»