Produtivo día dos Paz en Holanda, escalando ata a décima praza da xeral

Vilagarcía / La Voz

DEPORTES

Os liceístas asinaron un cuarto e un noveno postos na segunda xornada da Delta Lloyd Regatta

22 may 2014 . Actualizado a las 06:54 h.

Carlos e Antón Paz durmiron onte na décima praza da xeral provisional da Delta Lloyd Regatta, a súa terceira cita internacional da tempada, coas augas holandesas de Medemblik coma escenario.

Vindo do posto 17 na xornada inaugural, o de onte resultou un día do máis produtivo para o dúo do Liceo Casino, que se adaptou perfectamente ás condicións de vento lixeiro que obrigaron a pospoñer o programa matutino de saídas ao mar das 34 unidades da frota de 49er.

Ata as tres da tarde non puideron comezar a competir, o que limitou a dúas das tres mangas programadas de competición onte. Na primeira Carlos e Antón conseguiron saír cruzando toda a frota e tomar segundos a primeira baliza, para rematar entrando na meta cuartos.

Na segunda manga, pese á súa boa saída, os Paz colleron a primeira baliza decimoquintos defendendo a dereita do campo de regatas. Na primeira popa optaron polo lado esquerdo, o que lles permitíu remontar ata o noveno posto, ao que voltaron na popa logo de escalar anteriormente ata o sétimo. Acadadas as cinco mangas completadas, procedeuse ao primeiro descarte da Delta Lloyd Regatta, o que liberou os liceítas do 27 da súa manga intermedia do martes.

Deste xeito, Carlos e Antón escalan á décima posición clasificatoria sumando 38 puntos, en posto de medal race -disputaráse mañá-. O pero, que seguen a ser a terceira e última tripulación española na táboa, con Diego Botín e Pablo Turrado segundos con 18 puntos tras os alemáns Erik Heil e Thomas Ploessel, e con Federico e Arturo Alonso terceiros con 20.

49er