Trinta anos de servizo, convirten ao utilleiro da SD Chantada no decano do equipo. Jesús Daniel Suarez Vázquez «Dani» adícalle ao fútbol o tempo que lle queda fóra do seu traballo nunha empresa do polígono dos Acivros,
-É a «fichaxe» que máis anos leva na SD Chantada.
-Si, teño 42 anos e axudo ao equipo dende os 12, cando o campo era de terra. Pasaron trinta anos e vin pasar moitos xogadores, adestradores e directivos. Eu sigo aquí.
-¿Cal é a túa tarefa principal?
-O que máis fago é recoller os balóns que saen do campo. Dá moito traballo porque se van ao parque, hai que baixar e é bastante incómodo. Agardo a que se vaian dous para aforrar a viaxe. Algúns caen ao río, e eses case sempre se dan por perdidos. Cando hai dous partidos seguidos, dobre traballo.
-¿Encárgase da organización dos vestiarios?
-A miña irmá é a miña compañeira de traballo e axúdame a lavar e tender a roupa.
-¿É un traballo compensado?
-O Chantada sempre me pagou polo que fixen, moitas veces con propina a maiores.
-¿Acompañas ao equipo?
-Coñezo moitos sitios, pero agora viaxo menos porque ao haber máis equipos, necesitanme aquí. Tamén axudo ao Chantada Atlético.
-¿Algún recordo curioso?
-As celebracións dos campionatos. Ou o día que se suspendeu un partido pola neve.