Carmen Prieto: «Sempre descubrimos cousas novas»

Sara Pérez LA VOZ

CULTURA

CESAR QUIAN

A responsable do Arquivo do Reino de Galicia explica que os últimos documentos achados foron dous planos antigos, un de Lugo e outro de Ourense

06 jul 2021 . Actualizado a las 05:00 h.

Por un impulso, o camiño de Carmen Prieto (O Barco de Valdeorras, 1963) xirou cara a documentación e a investigación. Sempre pensou que un ten que facer o que realmente lle guste, «e despois xa se verá». Por iso dende o 2008 dirixe o Arquivo do Reino de Galicia, unha posibilidade que se converteu en realidade.

—Nas súas mans está a historia de Galicia.

—Unha parte dela, digamos que unha importante. Sobre todo a partir do século XVI, cando se funda o fondo da Real Audiencia de Galicia, e ata a actualidade.

—Que responsabilidade!

—A nosa función principal é conservar documentos para as vindeiras xeracións, para que non se perdan. Un traballo que tamén está moi vencellado ao de difundilos, que a xente os coñeza, que os queiran consultar, que saiban que é o que hai, e que se non o temos, onde pode estar. Somos un centro público que está aberto a todo o mundo.