O rianxeiro que desde Taiwán lle pon música a un libro de Castelao

m. x. blanco RIBEIRA / LA VOZ

CULTURA

O compositor de Rianxo Antón Alcalde reside desde hai case dous anos en Taiwán

A Real Filharmonía estrea a peza «Un ollo de vidro», de Antón Alcalde

25 mar 2021 . Actualizado a las 15:33 h.

Hai case dous anos que o rianxeiro Antón Alcalde reside en Taiwán. Cando marchou, levaba na maleta un encargo da Real Filharmonía de Galicia: compoñer unha peza de temática galega sen caer no folclore. Antes de deixar atrás a terra de Castelao xa tivo claro que recorrería ao seu veciño escritor e galeguista como fonte de inspiración. Elixiu para a ocasión un dos seus libros de relatos, Un ollo de vidro.

Regístrate gratis y recibe cada mañana en tu correo las principales noticias del día

Explica que é un texto que o deixou marcado desde a primeira lectura, no instituto, e que coa pandemia cobrou actualidade, pois alude de xeito macabro e irónico, ao estilo do autor, ao máis alá e a como a morte iguala a ricos e pobres. Todo iso, sumado a que para o ano se conmemorará o centenario da publicación do libro, ratificaron a selección de Antón Alcalde.

Establecido na illa asiática, onde compaxina a faceta de compositor coa de mestre de música, asumiu o reto de converter en notas o texto. Sobre este proceso, puntualiza que o resultado non é unha composición descritiva, senón metafórica: «Non busco transmitir coa música as páxinas de Castelao, iso sería imposible porque a linguaxe musical non ten esa función, senón que collo a idea da morte e sitúoa como personaxe».

Despois de sete meses de traballo, completou unha peza que a Real Filharmonía estreará este xoves no Auditorio de Galicia compostelán, baixo a batuta de Paul Daniel. Alcalde explica que, ao igual que Castelao abarcou no seu libro un amplo abano da sociedade da época, desde o cacique ata a moza que morre por amor, el engloba na súa obra case dous séculos de música vinculada coa morte. Na partitura resultante están reflectidas, por exemplo, catro notas da Sinfonía n° 4 de Mahler, as catro primeiras notas de A illa dos mortos de Rachmaninov e un tema de danza macabra de Saint-Saëns, que aparece incluso citada por Castelao.

Con anterioridade, o rianxeiro xa se deixara inspirar por outro veciño, tomando como referencia para unha composición Os arquivos do trasno, de Rafael Dieste: «Encántame poñerlle música a textos curtos, porque neles o autor tivo que sintetizar as ideas e así é máis factible pasalas á linguaxe musical».

Primeiro disco en solitario

Na súa residencia actual, á que chegou cando aínda non irrompera o coronavirus e na que ata o de agora non sufriu os efectos das restrición debido á baixa cifra de contaxios, o rianxeiro traballa en diversos proxectos, entre os que destaca a gravación do seu primeiro albume en solitario. O traballo recollerá todas as súas composicións estreadas ata o de agora, parte das cales foron interpretadas en máis de 30 países, e unha peza relativa a Taiwán, pois quere que sexa un disco metade español metade taiwanés. Tamén se prepara para poñerse á fronte en setembro, como director convidado, da banda de Hsinchu, a cidade na que reside.

Despois, Antón Alcalde confía en poder cumprir o seu sono, que pasa por coller un par de anos sabáticos: «Levo compoñendo desde os 16, cando gañei o primeiro certame, e a cabeza precisa un descanso. Ou caio no erro de repetirme ou teño que parar e buscar novas fontes».

Sinfonías que dan la vuelta al mundo

M. x. Blanco

Tiene solo 24 años, pero Antón Alcalde está empeñado en situar la cuna de Castelao en el mapa del mundo musical. Sus composiciones han sido ya interpretadas en diversos países, desde Japón hasta Estados Unidos, pasando por media Europa. Y la racha continúa. En la agenda profesional de este rianxeiro para el primer trimestre de este 2017 figuran citas en Bélgica, Suiza, Alemania e incluso una nueva parada en tierras niponas.

Hace solo unas semanas que la Izumo Symphonic Band Enishi japonesa estrenó, a nivel mundial, Living toys, la última composición de Antón Alcalde. El rianxeiro había trabajado anteriormente para dicha formación, que cuenta con una gran reputación en el país asiático. De hecho, fue testigo el año pasado de cómo interpretaba, en el concurso nacional de bandas, su sinfonía basada en Paio Gómez Chariño. Esta pieza ya le había dado una gran alegría al barbanzano en el 2014, cuando le valió para recibir la medalla de plata en los prestigiosos Global Music Awards celebrados en San Diego.

Seguir leyendo