Lingua materna, con naturalidade


A intuición é un proceso de aprendizaxe dos seres humanos a través das experiencias coa que van incorporando o externo ao interno. Refírese, en definitiva, ao proceso innato de responder ás chamadas, aos reclamos.

Por iso é tan importante a actitude de respecto que manteñamos ante a diversidade lingüística nos primeiros anos de vida das persoas. Tan importante coma o feito de poder salvar unha lingua. Porque si, hai linguas que desaparecen, á velocidade dunha cada dúas semanas, razón pola que é relevante o seu coidado, o seu valor.

Como actuar? Con responsabilidade e moita consideración.

Ser diferente debe ser considerado unha riqueza. Se pretendemos avanzar e medrar como persoas, debemos escoitar a quen pensa diferente, a quen é distinto no seu interior ou exterior, porque é a única maneira de abrir a mente e ofrecerlle distintos puntos de vista.

As diversas linguas e culturas non son máis ca unha mostra da riqueza que conforma o mundo. Con ese sentido debemos actuar, máis ca nunca, na infancia. Amosar respecto por unha lingua, valorar a riqueza de atesourar un idioma propio, con total naturalidade e humildade, é das mellores ensinanzas que podemos ofrecer. A casa é o berce, pero tamén é importante ter referentes en todos os campos.

Ana Peleteiro, coa súa naturalidade, axuda a valorar a nosa lingua. Ángel Carracedo, escribindo e conferenciando en galego, por moito que lle dixeran que ía ser menos lido ou escoitado, tamén.

Ti, que podes ensinarlle ás crianzas o que significa nai, terra, morriña ou orballo, es imprescindible. E ti, que non falas en galego pero que non pides que che traduzamos ao castelán o que dicimos porque entendes perfectamente, igual.

O plurilingüismo non ten que ser tan complicado como o facemos. Non é unha arma de confrontación. Debera ser unha mostra de convivencia e sociedade avanzada. Se estamos a celebrar o Día Internacional da Lingua Materna, apoiados pola Unesco, é que algo falla. Agora, nestes tempos de illamento, fagamos reflexión.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos
Comentarios

Lingua materna, con naturalidade