O escritor Xosé A. Neira Cruz gaña o Raíña Lupa coa novela «O enigma de Santiago»

O autor compostelán convértese no primeiro en obter dúas veces este galardón de literatura infantil e xuvenil que promove a Deputación da Coruña

O escritor compostelán Neira Cruz
O escritor compostelán Neira Cruz

redacción / La Voz

O escritor Xosé A. Neira Cruz alzouse este martes coa 14.ª edición do galardón de literatura infantil e xuvenil Raíña Lupa coa novela O enigma de Santiago. Convértese no primeiro autor que obtén en dúas ocasións este certame convocado pola Deputación da Coruña. Así o decidiu un xurado integrado, entre outros, por Paula Carballeira, Míriam Ferradáns, Antía Otero, Tero Rodríguez e o vencedor da convocatoria anterior, Valentín Alvite, que apostou pola obra presentada baixo o lema Tempos fugit.

O fallo sinala que a narración describe unha «trama arredor do poder que se artella a través de feitos históricos construíndo un relato atractivo destinado ao público infantil». Valora ademais o «dominio de referencias artísticas e históricas, cuns personaxes moi ben armados, de maneira especial, o protagonista», que evoluciona dunha forma crible ao longo do texto.

A novela, anota o xurado, establece unha «ligazón entre dúas épocas históricas a través dun elemento fantástico que, a pesar diso, resulta verosímil». O misterio, profunda, atrapa como unha promesa, «procurando na experiencia lectora a sensación de estar ante un enigma que che gustaría que fose resolto», detalla o ditame sobre unha obra que conta unha historia na que destaca «a presenza de relacións de poder nunha cidade que poden ser extrapolables á sociedade enteira», descubrindo os artificios e manexos cun estilo narrativo «moi acorde cos tempos e coa lectura da actualidade».

Neira Cruz é xornalista, escritor e profesor da Universidade de Santiago. Licenciado en Xornalismo e en Filoloxía Italiana é autor de máis de 30 obras de creación literaria, e ostenta premios como o Merlín, o Barco de Vapor, o Lazarillo e o Fiz Vergara Vilariño.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O escritor Xosé A. Neira Cruz gaña o Raíña Lupa coa novela «O enigma de Santiago»